අන්ධකාරය පියාඹා විත්
රබර් යායේ ගුලි ගැහෙද්දී
නුඹේ කටහඬ වේදනා පිරිමදිනවා
කුරුල්ලෝ උඹ දන්නවා ඇති
ඉරට කිසිදා ගෙනෙන්ට බැරි
ජීවිතේ මිටියාවතේ
හැර දමා යන්නට බැරි දෙයක් මට තියෙනවා
නුඹේ තුඩගින් ගිලී වැගිරෙන
මතක ලේ පැල්ලම් දකින්නට
වලාකුළු කඳු උඩින් හෙට ඉර නැගෙනවා
කුරුල්ලෝ උඹ දන්නවා ඇති
ඉරට කිසිදා ගෙනෙන්නට බැරි
කවමදාවත් නොඑන දවසක් තියෙනවා
සිංහරාජය පෙනෙන මානේ
කළු ගඟේ එක මුදුන් අත්තක
බොර දියට ඇද වැටුණු කඳුළක් තියෙනවා
කුරුල්ලෝ හැමදාම රෑ මම
බොර දියේ අත පත ගගා
ගඟේ ගිය ඒ කඳුළු බිංදුව හොයනවා
No comments:
Post a Comment