අතරමං වූ බඹරාට මඟ සොයා ගනු වස්......................

 

෴ බඹරා ෴ 

අකාලයේ පිපි රෝස කුසුම නුඹ

වරුවක් නුඹ ළඟ රැදෙනු බැරී

සදාකාලිකව පිපුන නෙළුම් මල

මා එන තෙක් මඟ බලන් ඇතී

  ෴ නෙළුම  ෴

හඳ බැඳි ආලය දෑගිලි සිර කර

නුඹ මා නෙළුවේ ඇයි ද මෙසේ

 වෙන මලකට ලොබ බදින්න නම් මා

සිරකර දා ඇයි තබනු මෙසේ

෴ බඹරා ෴

නුඹහට දුන් සිත ආලය සෙනෙහස

බිඳකුඳු හෝ අඩු වෙලා නොවේ

රෝස මලට දුන් ආදර සෙනෙහස

නුඹ ගෙන් මා බිඳ දමනු නොහේ

෴ රෝස මල ෴

අහඹුව හමු වී දොඩමළු වූව ද

නුඹ පෑ සෙනෙහස රඳමි සිතේ

බඹරුගෙ අයිතිය නෙලු මල ළඟටයි

මම නටුවෙම රැදි සිටිමි මෙසේ

෴ රෝස මල සහ නෙළුම් මල  ෴

මල් ලොව හිමිකරු බඹරුන් වූවත්

හිමිකම් පෑමට සැම අසමත්

සුවඳ සිතක සෙනෙහස හමනා විට

මුළු ලෝකෙම වෙයි ඉන් සුවපත්

“Love is like a beautiful flower which I may not touch, but whose fragrance makes the garden a place of delight just the same”

තනි අත්තක පිපුන, 

තවමත් නටුවෙම රැදුන රෝස මල

මම

෴ වත් ෴